Tid  6 timmar 50 minuter

Koordinater 1402

Uploaded den 9 april 2014

Recorded mars 2014

  • Rating

     
  • Information

     
  • Easy to follow

     
  • Scenery

     
-
-
1 119 m
845 m
0
4,3
8,6
17,19 km

Visad 2667 gånger, ladda ned 126 gånger

i närheten av San Miguel, Galicia (España)

Lese no cartel que hai ao comezo da ruta, na aldea de San Miguel de Bidueira:

"Na Galicia suroriental, pertencente á provincia de Ourense, na comarca de Trives, atopamos o concello de Manzaneda. Esta perla natural, onde os vales suceden ós cumios e conforman multitude de paisaxes cunha paleta de cores propias do mellor dos pintores, ofrece ó visitante o gozo de contemplar un auténtico paraíso terrenal.
Manzaneda cos seus 650 m de altitude media atópase xeográficamente situado entre o profundo encaixamento que forma o río Bibei polo leste. Ao sur fano os cumes da Serra de Queixa, os cales conforman un límite natural ao alcanzarse neles Cabeza Grande de Manzaneda cos seus 1.778 m; altitudes máximas do Macizo Central Ourensán.
O atractivo da ruta de sendeirismo que te dispós a acometer, céntrase en tres puntos: a aldea abandonada de Prada, no val glaciar do río Requeixo, e nas aldeas e construcións de San Miguel, Requeixo e Placín.
En San Miguel de Bidueira destaca a igrexa parroquial do s. XVIII, chamada a Catedral das Terras de Manzaneda. Requeixo e Placín, tamén posúen unhas pequenas igrexas, coma a de Placín adicada a Santiago Apostol.
Do mesmo xeito, é perfectamente visibel o estilo construtivo e a arquitectura popular das zonas altas da montaña ourensá, sobresaíndo a aldea abandonada de Prada.
Ten interese pola xeografía e a biodiversidade, amosando durante o roteiro a evolución dos vales de orixe pluvial ata vales de orixe glaciar, ou dende vizosos soutos das terras baixas ata as fragas de carballos e de pradaríos preto dos cumios de pedras antropomórficas das alturas, restos de morenas formadas pola acumulación dos materiais acarrexados polos xeos glaciares."

Na aldea de Requeixo, lemos:

"Atopámonos na aldea de Requeixo, onde é perfectamente visible o estilo construtivo e a arquitectura popular das zonas altas da montaña ourensá. Podemos aproveitar a ocasión para visitar a igrexa de San Bartolomeu, así coma de entrar en contacto ca xente da aldea, que tan gustosamente nos empaparán da cultura e tradicións da zona.
Como podedes observar recorreremos esta aldea en dúas ocasións tanto no camiño de ida como no camiño de volta. No camiño de ida escolleremos o sentido de marcha que nos levará a Prada pola Bidueda e no camiño de volta regresaremos de Prada a Requeixo polo Bico do Lombo. Do mesmo xeito no camiño de regreso ó sairdes de Requeixo tomaremos a derivación que nos levará ata a aldea de Placín.
O presente tramo de ruta pasa por rueiros e carrúas empedradas que son testemuña da súa antigüidade e polas que pasaban carros que ían e viñan de Prada cargados de centeo, herba, torgos ou leña.
Poderemos gozar dunha paisaxe de características propias dos vales de alta montaña, cunha flora que significa una mestura entre a adaptabilidade á contorna e o antigo aproveitamento de terras marxinais. Así, ademáis de vexetación, o biotopo está constituído por caos de pedras e bolos graníticos (restos de morenas constituídas por acumulación dos materiais transportados polos xeos glaciares) e de muros e pontes de pedra construídos na humanización da paisaxe. Neste senso destacamos o do Pontón Torto de Prada e o de Gusfrío na paraxe de A Bidueda, que foron restaurados respectando a tipoloxía mimetizada e de acordo co entorno natural."

Finalmente dinos o cartel que está en Prada:

"Dende esta paraxe, podemos observar tanto unha zona de turbeira, como divisar ao fondo do Val Glaciar de Prada.
Mentres contemplamos o Val Galciar de Prada, podémonos preguntarnos sobre a orixe desta marabilla da natureza. O que pasamos a responder dun xeito breve e sinxelo: debido á extensa zona de bloques de xeo que cubriron esta zona vai 50.000 e 10.000 anos atrás, someteron ás montañas a un proceso de abrasión. Neste senso na Serra de Queixa-Invernadeiro as etapas do periodo glaciar de Würmiense (vai 50.000 - 45.000 anos) produciron grandes morenas de pedra. Na etapa de estabilización glaciar (vai 30.000 anos) formáronse complexos glaciares, e logo aparecen (vai 16.000 anos) os glaciares do Val.
Nesta área tamén podemos apreciar una zona de turbeira natural. Dun modo sinxelo podemos dicir cas turbeiras son humidais ácidos nos cales se acumulou materia orgánica en forma de turba. Estas turbeiras son cuncas lagunais xeralmente de orixe glaciar, que actualmente están repletas de material máis ou menos descomposto e que se coñece como turba de auga doce. É importante salientar que as turbeiras son áreas que debemos protexer e que en zonas de montaña e pola influenza da xente e gando pode verse afectada.
Estamos a piques de entrar na aldea abandonada de Prada, onde podemos ver construcións tradicionais de alta montaña e os restos da capela de San Bartolomeu. As casas, as pontes, os muros, as cores na aldea e os curros nas abas da serra, configuran una paisaxe bucólica da serra, que xera sentimentos de morriña polo despoboamento dun lar tan fermoso."

View more external

bild

Camiño a Placin

Antigo vieiro de Requeixo a Placín.
bild

Camiño empedrado

Vieiro enlousado que une Requeixo con Prada.
Sacred architecture

Capela San Bartolomeu

Ermida na aldea abandonada de Prada.
träd

Carballeira

Bosque de carballos na pista que une Requeixo con Prada.
Waypoint

Comezo Prada

Punto de inicio do roteiro na aldea de San Miguel, a carón da súa igrexa.
bild

Congostra

Corredoira que une San Miguel de Bidueira con Requeixo.
bild

Corredoira

Congostra preto da aldea de Prada.
vatten

Fonte Requeixo

Fonte de auga potable na aldea de Requeixo.
vatten

Fonte San Miguel

Fonte de auga potable na praciña de San Miguel de Bidueira.
bild

Forno comunitario

Forno de pan comunitario na aldea de Placín.
Sacred architecture

Igrexa de Santiago

Templo en Placín.
Sacred architecture

Igrexa San Bartolomeu

Templo na aldea de Requeixo.
Sacred architecture

Igrexa San Miguel

Templo do século XVIII en San Miguel de Bidueira.
bild

Levada

Levada de auga na corredoira que une San Miguel con Requeixo.
Bro

Pasos

Poldras sobre o río de Requeixo.
bild

Placin

Lugar do concello de Manzaneda.
Bro

Ponton de Gustofrío

Pontella nun rego afluente do río de Requeixo.
Bro

Ponton Torto de Prada

Pontella no rego do Campo das Lamas.
Ruin

Prada

Aldea abandonada no fondo do Val Glaciar de Prada.
bild

Requeixo

Aldea a medio camino entre San Miguel de Bidueira e Prada.
Flod

Rio Requeixo

Río que discurre polo Val de Prada.
Flod

Rio Requeixo

Río que rega o Val Glaciar de Prada.
bild

San Miguel

Aldea de San Miguel de Bidueira, onde comeza o roteiro.
träd

Souto

Bosque de castiñeiros preto de Prada.

1 comment

  • Bild av luis levenger

    luis levenger 2017-nov-20

    I have followed this trail  verifierade  View more

    Ruta moderada con un entorno espectacular.
    Vale la pena hacerla

You can or this trail